Integrated Agriculture Model Farm

परिभाषा: उपलब्ध जनशक्ति, प्राकृतिक श्रोत र उन्‍नत प्रविधिको दिगो रुपमा प्रयोग गरी सञ्चालनमा आएको वा आउन सक्ने आधुनिक प्रणालीमा आधारित व्यवसायिक र नाफामूलक कृषि फार्म।

• प्रविधि, व्यवस्थापन, भौतिक संरचना तथा प्राकृतिक श्रोतको दिगो र प्रभावकारी परिचालन तथा स्वस्थ कृषि उपज उत्पादन, प्रमाणीकरण र वितरणको दृष्टिकोणबाट अनुकरणीय।
• कृषिसँग सम्बन्धित खाद्यान्न बाली, फलफूल, तरकारी, मसला बाली(अदुवा, वेसार आदि), पुष्प,औद्योगिक बाली (चिया, कफी, अलैँची, आदि), नगदे बाली (दाल, तेल आदी) रैथाने बाली,च्याउ, मौरी, रेशम तथा कानून बमोजिम उत्पादन गर्न मिल्ने वनस्पति र वन्यजन्तु आदिको कम्तिमा दुई वा दुईभन्दा बढी बालीवस्तुको एकीकृत रुपमा सञ्चालन गरिएको उत्पादन मूलक र पशुपन्‍छी /माछाफार्म।

उद्देश्य:

• खेतियोग्य जमीनको चक्लाबन्दी र एकीकृत गरी व्यावसायिक कृषि प्रणालीका आधारहरुको विकास गर्ने ।
• अत्याधुनिक कृषि प्रविधिको अवलम्बन गर्दै कृषि उत्पादन/उत्पादकत्वमा वृद्धि गरी आयात न्यूनिकरण तथा निर्यात प्रवर्धन गर्न सहयोग पुर्याउने।
• बेरोजगार तथा वैदेशिक रोजगारबाट फर्केका युवाहरुलाई कृषि पेशामा आकर्षित हुन प्रोत्साहित गर्ने ।
• स्थानीय कृषि तालिम तथा स्रोतकेन्द्रको विकास गरी आसपासका कृषक तथा उद्यमीहरुलाई सेवा प्रदान गर्ने।
• कृषि क्षेत्रमा लगानी बढाई व्यावसायिकता र उद्यमशिलताको विकास गर्ने ।

कार्यक्रमको नाम : एकीकृत कृषि मोडल फार्म विकास तथा विस्तार कार्यक्रम

स्वीकृत बजेट: रु. ५ करोड – आ.व. २०७७/७८

                      : रु. १० करोड – आ.व. २०७६/७७